ಈ ಐದು ದಿನ - EYEದು ದಿನ

ಅರಸಿ ಬಂದವರು ವಿರಳ

ಕರೆಸಿ-ಕೊಂಡವರು ಬಹಳ

ಅರಸಿಬಂದವರಿಗೆ EYEದು ದಿನ

ಕರೆಸಿಕೊಂಡವಗೆ ಐದು ದಿನ

ಇವರ ನಡು-ವೇ

ಕನ್ನಡ ನುಡಿ-WAY.

ಅದು STF ಹೈ-WAY.

ಮೂರು ತಂಡಗಳ ಎಸ್.ಟಿ.ಎಫ್ ತರಬೇತಿ ಮುಗಿದಿದೆ. ಇದು ನಾಲ್ಕನೇ ತಂಡದ ತರಬೇತಿ. 34 ಶಿಬಿರಾರ್ಥಿಗಳು. ಅವರವರ ಭಾವಕ್ಕೆ ಅವರವರ ಭಕುತಿಗೆ ಈ ಐದು ದಿನ, ಅವರವರ EYE-ದು ದಿನವಾಗಲಿದೆ. ಈ ಅವಧಿಯಲ್ಲಿ ಕಂಪ್ಯೂಟರ್ ಗಳ ಜೊತೆಗೆ ಮತ್ತು ಕನ್ನಡದ ಕಂಪು-TUTOR ಜೊತೆಗೆ ಒಡನಾಟ ಬೆಳೆಸುವುದು ನಮ್ಮ ತುಡಿತ. ಹಿಂದಿನ EYE-ದು ದಿನಗಳ ಮೂರು ತರಬೇತಿಯಲ್ಲೂ ಈ ತುಡಿತ ಮಿಡಿದಿದೆ. ಬಂದವರ ಮನಕೆ ಹಿಡಿಸಿದೆ. ಬರದವರ ಕಡೆಗೆ ಒಲಿದಿದೆ. ಈ ಒಲುಮೆಯೇ ನಾಲ್ಕನೇ ತಂಡದ ತರಬೇತಿ.

ನಮ್ಮ ಡಯಟ್ ನ ಉಪಪ್ರಾಂಶುಪಾಲರಾದ ಶ್ರೀ ನಾರಾಯಣಗೌಡರು ತರಬೇತಿ ಮೊದಲ ದಿನ ಉದ್ಘಾಟಿಸಿದರು. ಕನ್ನಡದ ಸಿರಿತನಕೆ, ಸಂಭ್ರಮಕ್ಕೆ ಸುವರ್ಣದ ಚೌಕಟ್ಟು ಈ ಎಸ್.ಟಿ.ಎಫ್ ತರಬೇತಿಯ ಫಲಶೃತಿ ಎಂದರು. "ವಂದೇಮಾತರಂ" ಗೀತೆಯ ವೀಡಿಯೋ ತುಣುಕನ್ನು ಪ್ಲೇ ಮಾಡುವ ಮೂಲಕ ತರಬೇತಿಗೆ ಚಾಲನೆ ನೀಡಿದರು.

ಡಿಎಂಪಿಬಿಎಸ್ ವಿಭಾಗದ ಮುಖ್ಯಸ್ಥರಾದ ಶ್ರೀ ಸ್ವಾಮಿ.ಎಸ್ ರವರು, ತರಬೇತಿ ಸಂಯೋಜಕರಾದ ಪ್ರಶಾಂತ್.ಎಂ.ಸಿರವರು, ಸಂಪನ್ಮೂಲ ವ್ಯಕ್ತಿಗಳಾದ ಶ್ರೀ ನಾಗರಾಜ್, ಶ್ರೀ ಆನಂದ್ , ಶ್ರೀ ಸಂಜಯ್ ಕುಮಾರ್ ಮತ್ತು ಶಿಬಿರಾರ್ಥಿಗಳು ಉಪಸ್ಥಿತರಿದ್ದರು.